Rydym yn defnyddio systemau camerâu HD i archwilio y tu mewn i ffliw eich simdde gan chwilio am graciau, rhwystrau, a phroblemau strwythurol.
Tynnu parddu, tar, a malurion i gadw'ch tân yn llosgi'n lân ac yn effeithlon. Mae ein gwasanaeth glanhau yn un heb lanast, i amddiffyn eich cartref.
Gellir gosod Cowls a Giardiau Adar i atal rhwystrau a nythu os oes angen.
Rydym yn cymryd gofal wrth gael gwared ar nythod adar a malurion simdde rhag ofn iddynt rwystro'ch ffliw a chreu peryglon tân difrifol.
Brwsh rotari gwaith trwm sy'n clirio’r parddu a’r tar mwyaf anodd i gael gwared ohonynt - yn ddelfrydol ar gyfer simdde sydd wedi’i hesgeuluso ers tro neu sy’n cael defnydd mawr.
Cyflwynir tystysgrif N.A.C.S swyddogol i chi bob tro ar ôl glanhau simdde i brofi fod eich simdde wedi'i glanhau a'i gwirio'n broffesiynol.
Rydym yn cynnig gwasanaeth llawn i gynnal a chadw stofiau gan gynnwys darparu darnau, eu gosod a'u cynnal. O friciau tân newydd a phlatiau baffl i wydrau a rhaffau selio — byddwn yn sicrhau bod eich stôf yn gweithio'n ddiogel ac effeithlon.
Mae Harri wedi cwblhau cwrs hyfforddi trwyadl ac wedi llwyddo mewn asesiad llawn i ddod yn Aelod o NACS (National Association of Chimney Sweeps). Mae ganddo yswiriant dilys ar gyfer glanhau simdde’n unol â Chod Ymddygiad NACS, ac mae'n defnyddio offer o safon broffesiynol sy'n cael ei archwilio yn ystod ei asesiad a'i uwchraddio'n rheolaidd i'r safonau uchaf.
Mae Harri wedi'i hyfforddi i safon uchel o ran atal llwch ac mae'n cymryd gofal mawr i greu cyn lleied â phosib o lanast. Yn y rhan fwyaf o achosion, mae'r broses lanhau yn lân a dan reolaeth. Fodd bynnag, gall amgylchiadau eithriadol - megis ffliw wedi'i blocio oherwydd nyth aderyn - ei gwneud hi'n anodd gwarantu na fydd unrhyw lwch na malurion yn dianc.
Gwnewch yn siŵr bod llwybr clir i'r simdde a digon o le i weithio. Efallai y bydd Harri yn gofyn i chi dynnu addurniadau oddi ar y harth a'r silff ben tân, a chlirio unrhyw ludw, tanwydd, neu falurion o’r grât. Bydd yn dod â chynfasau llwch gydag ef i warchod eich carpedi, lloriau a dodrefn.
Oes. Er nad yw'r tanwyddau hyn fel arfer yn cynhyrchu parddu, mae rhwystrau neu broblemau eraill yn medru digwydd. Mae eu glanhau yn helpu iddynt weithio’n briodol, yn atal tân yn y simdde, ac yn lleihau'r peryg o gael eich gwenwyno gan garbon monocsid.
Mae'r gost yn amrywio yn dibynnu ar ba fath o offer neu simdde sydd gennych a'r amser sydd ei angen i gwblhau'r gwaith yn iawn. Cysylltwch â Harri yn uniongyrchol am ddyfynbris cywir.
Mae Harri fel arfer yn dangos y brwsh yn dod allan o'r pot corn i ddangos bod y ffliw wedi cael ei lanhau’n drylwyr o'r gwaelod i'r top.
Dylech. Os nad ydych yn siŵr pryd y cafodd y simdde ei glanhau’n broffesiynol ddiwethaf, mae'n bwysig ei glanhau o ran diogelwch ac i gael tawelwch meddwl.
Mae hyn yn dibynnu ar eich offer. Os nad oes gofyn am unrhyw danwydd penodol, mae darnau coed wedi'u sychu’n iawn yn ddewis poblogaidd — mae'n lân, yn effeithlon ac yn garbon niwtral. Mae'n well gan rai pobl ddefnyddio glo, ac yn yr achos hwnnw, rydym yn argymell i chi ei brynu gan fasnachwr glo lleol a chymeradwy i gael arweiniad arbenigol. Cofiwch y dylech wastad ystyried rheoliadau parth di-fwg lleol wrth ddewis tanwydd.
Os yw parddu yn dal yn y simdde ar ôl iddi gael ei selio, gall fynd yn llaith a ffurfio gweddillion du asidig. Mewn simdde hŷn, gall hyn socian i'r waliau mewnol ac achosi staeniau neu ddifrod difrifol. Mae glanhau’r simdde cyn ei chau yn helpu i stopio’r problemau hyn.
Gall staeniau mwg fod yn arwydd fod bod mygdarth (fumes) yn gollwng yn ôl i'r ystafell. Gall hyn fod yn arwydd o broblem ddifrifol — cysylltwch â Harri am gyngor ac archwiliad cyn gynted â phosibl.
Gall Harri argymell a gosod gard adar neu declyn addas ar gyfer eich simdde i stopio hyn yn y dyfodol.
Yn bendant. Fel glanhawr NACS, mae Harri yn dilyn cod ymarfer llym, yn cynnal yr offer diweddaraf, ac yn cario yswiriant atebolrwydd cyhoeddus llawn ar gyfer yr holl wasanaethau glanhau simdde.
